سؤال؟؟؟؟؟

بسم الله الرحمن الرحيم

الى كل شباب وشياب المتدى

هذا السؤال والله دوخني

شنو الحلو بالنصبة على البنات ؟؟؟
مرة يكوللهة اني احبج

لو الحلو من يلحكهة بالماطور لو السيارة ؟؟
زين فد سؤال ما عندك شغل عمل بس تفتر بالشارع

وشنو سالفة الارقام ؟؟
حرام الوحدة تلبس جنطة مال مدرسة بيهة جيب خارجي اذا مترجع وتلكة بيهة فد رقمين تلاثة


وهاي المودة الجديدة يصعدون اثنين على الماطور واحد شغلة يسوق والاخ ياوف راسة 180 درجة يباوع على البنية

احسب اختك بمكان البنية تقبل احد يسوي وياها هيج

ولو مو كل اصابع الانسان سوة
بس علة قولتهم راحالاخضر بسعر اليابس


تقبلوا تحياتي
reno

اولا شكرا على الموضوع
ثانيا ليش انتي عصبيه هلكد
ثالثا كلامج صحيح بان اصابعج مو كلهن سوه
رابعا هاي الناس صارت هيجي

هوة مو سؤال هوة موضوع ومشكلة جدا كبيرة صدكيني رينو بالنسبة الي ما يوم عاكست بنت او سويت هاذ الشي المشكلة كبيرة ومو بس تنحصر على الشباب المشكلة موجودة ايضا عند البنات لانو بعض البنات يعطن مجال لشباب التعبان وهذولة الشريحة من الشباب التعبان يقيس على كم بنت اخلاقها زفت بالتالي تنعكس عندة الصورة على كل البنات يتصور انو كل بنات الناس مثل البنت الي انطته مجال اكيد مثل ما كلتي لو كانت اخته مكان البنت الي يعاكسها كان ما راح يرضى موضوع بغاية الروعة وتسلمين على هاذ الموضوع المهم جدا..... تقبلي مروروي سيف الجبوري

اي والله تسلم ايدج رينو على هالموضوع الرائع وهالكلام الحلو
هي مشكلة صارت تكبر تدريجيا بكل مكان لاسف بكل بلد صار نفس الشي يصير بين البنات والشباب
الوحدة بس تطلع من البيت تسمع كلام وتتعرض لمواقف اشكال الوان ياخسارة كأن هالشباب مابيه خير لاا لنفسه ولا لغيره يعني لا يرحم ولا يخلي رحمة الله تنزل
حسب رايي ان الشاب اللي يلاحك بنية ويعاكسها ويسمعها كلام طالع نازل ويسويها باليوم مع الف وحدة ووحدة فهذا شاب ماعنده ثقة بنفسه وفاضي من جوا بداخله فارغ جدا وبصراحة اكثر شاب يحاول يثبت رجولته بس بطريقة فاشلة ومابيها فايدة مع احترامي للفئة الراقية...
وعلى رأي اخوي سيف هم البنات صار الها دور جبير بالمشكلة وصارت هي الخ مسؤلة عن الوضع
يعني اكو بنات يفتحون المجال للشباب بتصرفاتهن بمشيتهن بلبسهن وووو والشاب احيانا مايقدر يقاوم وتغريه هيج شغلات فيصير يعاكس ويحجي مع البنية وتتطور القصة
ومن يكون لحاله ويفكر شوي بهدؤ بالوضع فيقتنع بفكرة ان كل البنات هيج...وصح اصابع ايديج موكلهن سوه بس ترجع النفس اليد..
الله يهدي الناس ويهدي شباب الامة يارب
تقبلي مروري

العراق كان مرحوم من كل وسائل الترفيهه
وفجاه دخلت كلها وعلى انواعها
والاهل والحمد الله صايرين اسوء من الجهال
فشتتوقعين؟
لازم نصبر الا ان نتقبل الديموقراطيه

اول شي هلووووو حبيبتي
...ثاني شي هاي السالفة حاركة دمي.........

.......والصراحة هذا الشي مال الولد يذب الر قم للبنية هذا مو حب...لان لو يحبهة صدك يجي الاهلهة ...لو هو بس كادر يشمر بالارقام....
وهو اشلون رح يقبل يتزوج من وحدة مشت ويا من دون علم اهلها...وحتى لو تزوجوا رح يضل شي اسمه شك بيناتهم .....
بس مال ماطور مملاحظوة هذا الشي هههههههههه

بس بالنهاية نرجع ونكول الكل مو سوة......

تقبلي مروري قلبي........

.......شكرا الج قلبي على الموضوع المهم

[center][b]