حصريا ... ألعب المحيبس على منتديات شكو ماكو العراقيه

جيجي العبيدية كتب:

هلاوووووز
اليوم جايبة شوية اشعار الــ ابو ذيات
و انشالله تعجبكم

و نبدي



نشوفك ليل ونهار ودنه
كافي بعاد تعال اتقربلنه وادنه
هدنه الفراك ورجفن كلبنه وايدنه
.....دكافي هجر مو طولت عليه





طلعنة برة العراق ما انعرفنة
يابوية من سأل علينة من عرفنة
حيل كيفنه والله من عرفنة
......صار العراق بخير وراحت منه الرديه



فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه




انة المليت لبس الجرد والرث
مثل جمرة جكارة الكلب ورث
الغني الغني من مات مال وورث ورث
.....وانة المرحوم ورث دين الية





لي صاحب جنت اظن باغلى الثمن ينشرى
ومن يوك اكلة سر ما اظن ابد ينشرى
شو طلع مثل الهدم فوك الحبل ينشرى
وما اظن بيه اكتفى كل يوم الة دكة
راوني عنبر لاجن من باعني دكة
وبسمار غدرة اسف وسط الكلب دكة دكة
.......يا ريت بس بسمرة عمي كظ الكلب ينشرى





رفع سيف الهجر خدي و سلة
و نساني و راح وية غيري و تسلة
عنب ما حصلت منة سلة
.....طلع ذيب حبيبي و غدر بية





اكتبلي شما ردت تكتب و ردلك
ازعل و ابتعد و امشي و ارد لك
بساتين بوسط قلبي ورد لك
.....و شتظن غير القلب يصلح هدية





حبيبي شكد مخلص و وفي و صادق
و حبك ما احب غيرك و صادق
نخيت الهادي و الباقر و صادق
....تظل للدوم اعز محبوب الية




مشة حادي المحبة بليل وحدة
و كلبي شلون يكضي الليل وحدة
اذا غيرج احب مجبور وحدة
........انتي وياج احبنكم سوية





صرتوا انتم سوالفنة و حجينة
و عليك بخير صدكني حجينة
حبيبي ارجوك جاوبنة حاجينة
....و من تسكت اتضيج الروح بية





بعد درب العشك ما يوم اعتبة
و حبيبي الي غلط واجب اعاتبة
يعت بية الزمن مرة و اعتبة
....رغم اني الكسر بثنين ادية





اتمنى يعجبكم الكل و شوفوني الردود



مع تحياتي جيجي العبيدية









.................أيوه أيوه هو ده المحبس.................

يبارك بعمرك برنس

 يعني شلون نرجع ندور اي فدوه بيت المحبس بموضوع جديد مو تدور مواضيع قديمه ترى مظل دوه وجع راس بعد خلص والصيديله معزله