ماجد ياسين واليسا على الماسنجر

ان شاءالله تعجبكم يا اعضاء المنتدى


ماجد ياسين واليسا على الماسنجر

---------------------------------






ماجد ياسين : دﮒ جرص (يعني سوة بزززز) بالبدايه لان اليسا جانت انفزبل


صباح الخير ياﮔيمر السده


اليسا : صباح النور ياماجد شو لسة جاي .. شو بتعمل عندي


ماجد : چا غير اجيت اشوفچ قابل المن اشوف خالتي ملتهيه بالسلف والدشاديش الكودري


اليسا : ياحرام ياحبيبي طب عم بتئولي هلئ ليه ماحكيت من ساعه


ماجد: مدﮔليلي شحچي ؟ اذا جهال ولد اختي خبلوني ﮔطعوا شكو نارنج بالمنطقه وكتلوا شكو بزونه وبالاخير خنـﮔوا الخبازه ام تحسين وفلتوا


اليسا : اتمنى مبتزعل منهن ياروحي هم ولاد صغار لا توجع راسك بيهن انتَ


ماجد : دعوفينه من الـجهال هسة وخل نفوت بـﮔلبي حتى اشوفچ دﮔاته شلون يدﮔن عليچ


اليسا : لا لا ياماجد انا مش ائلتلك خلي ئلبك ميدء كتير شو الي صار
ماجد : ولچ اليسا بروح خالتي فتحيه بنيت غرفه فوﮒ واشتريت غرفة نوم تملخ..شوكت تتزوجيني مو صار بيه حصبه ؟


اليسا : انت ليه مستعجل ياماجد شو ائلتلك انه قبل ... البومي الاخير هلئ نزل.. عطيني صبر شوي
ماجد : مدﮔليلي ياصبر ؟ مو حتى الصبر مّل مني هو اليشوفچ يشوف صبر..حبيبتي استعجلي تره محضر رعد الناصري بحفلتنه


اليسا : رعد مين ياماجد انه عايزه وائل كفوري دنه بعرفوا


ماجد : اﮔـعدي راحه عيني وائل ... تريدين يخطفج مني ... بالعباس اخبلكم اني تره واخبله لوائل ... مو عنده اغنية اسمهه تبكي الطيور ... اني اخلي يغني بويه نعيمه


اليسا: حبيبي ليش هيك معصب


ماجد : هو بقه بيه عصبيه انتي ابو ابويه صمطتي صمط وراح اخليج تتحجبين وماكو بعد حفلات


اليسا : انه اعتزل طب مين يعيشنا (ابن المصخم ...)


ماجد : اني اعيشچ شبيه لعد ... عندي جليكان بانزين وانتي الزمي الصونده ونبيع بساحة ميسلون


اليسا : لا لا ياماجد بانزين شو ... انه عبدالله بالخير هداني بئر نفط وماتزوجتو


ماجد : اليسا شوفي حبي ... احنه العراقيين اغنى بلد بالنفط ....يعني اصبري چم عام ويايه الااخليج تطلعين البوم اسمه ( اواخر النهضه ) بدل البومچ مال اواخر الشتا


اليسا : طيب ياماجد انت شو بدك مني هلا ؟


ماجد : اريد منج تتحجبين وخلص .. وباچر اجي اكطع مهر عليچ


اليسا حاضر ياماجد انت تئبرني ............... (شسوووووي ماكو غيرك)



مع خالص حبي وتقديري واحترامي لكم ياحبايبي





(( ملك الاناقه ))

ههههههههههههههههههههههههه شنو هاي اليسا توافق لان ماكو غيرة

مشكور للموضوع
يسلمو
تقبل مروري

مرورج الارررررررررروع يامشغوووووووووووووووووووووووووله واول من يرد على موضوعي ونورتي الموضوع بمرورج العطر يا ورده كولج ذوق

وتقبلي خالص حبي وتقديري


(( ملك الاناقه ))

اتشرف اكون اول وحدة ترد على موضوع

منور بيك ياملك الاناقة

ميرسي يامشغووووووووووووووله وكولج ذوق وربي وهذا نورج ياورده

مع خالص حبي وتقديري (( ملك الاناقه ))

اليسا حتلزم صوندة واتبيع نفط بساحة ميسلون وهم حتزوج بغرفة ماجد بانيها على السطح ام لازوردي اليسا ههههههههههههههههههههههههههههههههههههههههههههههههههههه
عاشت ايديك اتقبل مروي على الموضوع والحوار الجميلا والمضحك

اي سوسو اليسا وماجد ديبيعون نفط بساحة ميسلون عود روحي اشتري منهم نفط

للشته هههههههههههههههههههههه ومنوره كل مواضيعي انتي بمرورك الراقي

والفاخر وربي واكيد اتقبل اجمل مرور ياورده


مع خالص حبي وتقديري لكي


(( ملك الاناقه ))