تحشيش حصري

اول شي راح اخليكم مع كم مسطلح جميل اجتي على بالي طبعا ماكو احلة من حجي العراقيين .... المهم اخليكم وية المسطلحات


مكثول ---- الشخص الغبي ( الاثول )


موضوع البحث ---- كلمة موجودة في النداءات قمنا بحتويرها للدلالة على المحبوبة ( الصويحيبة )


عرنوص ---- وتدل على الشخص صاحب الوجه التالف ( مصخم ملطم )


صلبوخ ---- وتدل على الشخص الاقرع ذو القرعة اللماعة ( راسة مصلبخ )


كجة ---- الفتاة الجميلة ( حاتة )


صاك ---- الشئ الجميل وتدل على الانسان والجماد والنبات ( شلون سيارة صاكة , حاتة صاكة , نبك صاك هع )


دوش ---- وتدل على الشخص الكاذب ( دوش مال جذب )


جمس ---- مجموع جاموس (اكثر شي تجي على الناس الطاكيين يقال باعوا الجمس واشتروا همرات )


بعار ---- الشخص الفقير الذي اصبح اغنى الاغنياء ( حواسم الله موفقة )



والان اترككم مع بعض اسماء اجزاء السيارة ... اسماء حلوة



جعمقة ستيرن


صالنصة


جاملغ


بدنة


صرة مال دهن هع



رنكات



فيتبمب



كابريتر



شوتة !



شاصي



سبانة عشرة والنكي نجمة ( لحد يكلي مو جزء من السيارة مو موجودة بلعدة؟ )




و الان بعض سوالفنة الحلوة حبيت اشارككم بيهة


اكو نداء بلموترلا ( جهاز الاتصال بيناتنة ) ف من نريد نتحرك على فد هدف لو شي لازم نوجه نداء الضابط نستأذن منة يلة نتحرك و عادة يكون جواب الضابط ( باشر اخي لو باشر ابني ) ففد مرة واحد من الولد ضايج كلش جان ينادي كال سيدي اكو سيارة متروكة اتوجهلهة ؟ كلعادة الضابط كالة باشر ابني الولد كالة سيدي باشر لو عكب باشر ؟ خطية الولد اكل عقوبة قطع راتب سبوع وزيان صفر ههههههه خطية جان شعرة حلو



سالفة لخ هم حلوة

تجينة ايام واجبات هواية ف حتة نوم منام ف اكيد راح نكوم نشخبط بلحجي


المهم وحدة من المرات يومين منايمين ف عدنة ملازم ( خطية فقير من اهل الله ما اعرف شجابة علشرطة ) المهم خطية ديكول اخوان كلمن يوكف بواجبة ويعلك باجة قابل انتو مليشيات لو ما عدكم باجات ( خطية عود ديشوفنة العين الحمرة ) جان يكول اخوان ... كلمن يوكف ابباجة ويعلك واجبة قابل انتوا مليشيات

و همينة مرة منايمين مدة ف واحد من جماعتنة ( مرهمهة عود هوة مرور ) وكف واحد كالة اخوية ليش مشاد حزام الامام ؟ طبعا الرجال اختنك يريد يضحك ويخاف راد يموت وجهة صار احمر



و اخيرا وليس اخرا ... فد مرة استلمنة معسكر جان مال فدائيين سابقا ... المهم استلمنا من الامريكان ف كان اكو بي لافتة كبيرة مكتوب بيهة ( الله , الوطن , القائد )

تدرون جماعتنة حشاشة ف اول ما وصلنة تغيرت الكتابة الى ( الله , الوطن , الراتب )


و اسفة على الاطالة ,,,,


تحياتي الكم

[scroll][center]

هههههههههههههههههههه
مشكورة سوسن

شكرا الك حبيبتي رورو